Mika 7:4 - Bhiblia Yo Sawuleka

⁴ Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Mika 7:4 Referans Kwoze

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Vahebheru 6:8

Aniko, mafu awa ma humisako mipa ni tikwakwati ma na rukwa, me gwita ngu kuhiswa.

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Amosi 8:2

Se Mkoma a to khene: U wona txani awe Amosi kani? Se ani ni txi khani: I thavangu ya mihando ya malanga. Sekoko, Mkoma a to nigela, a txi khene: Kuhokile magwito ka vathu vangu va ka Israyeli: Kukhukhela kuwa kala kupinduka, na mbi ngadi ni pinda ngu kwawe.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Isaya 55:13

Ka wukhalo wa mipa, ku na mila faya, se ka wukhalo wa txipopo, ku na mila mirta; si na va ditina da Mkoma, i ku txikombiso txi na kwa mbi pfhitwai.

Jeremiya 11:23

Kha ku na mbi sala ni mmweyo wawe; nguko ni na neha dikhombo txitimwi ka vathu va Anatote, ngu dilembe da kutsayiswa kwawe.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Ezekhiyele 28:24

Se nyumba ya ka Israyeli, kha yi na mbiswa kambe yi di ni mpa wa ku yi tholetela, hambi mpa wo pfisa kupanda, ka ni wihi wa wule a va pelako madhawani kwawe: Va na tiziva taku ani ngani Mkoma Txizimu.