Mika 7:2 - Bhiblia Yo Sawuleka

² Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Mika 7:2 Referans Kwoze

Masalmo 12:1

Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

Jeremiya 5:26

Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu.

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Mavingu 1:11

Va txi kha vona: Tsimbila ni nathu, hi baramela vathu, hi duka vale vo pwata mnandu,

Jeremiya 16:16

“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

Mika 3:10

mi aka Siyoni ngu mnoha, ni Jerusalema ngu wubihi.

Sidilo 4:18

Va zingela mazambo athu, hi txi tandeka ni kutsimbilatsimbila magondoni kwathu; Kuguma kwathu kuhokile: Masiku athu ma guma, mbimo ya kuhetiswa kwathu yi hokile.

Jeremiya 5:16

Msava wawe wo nga diyiva di nga tuleka, votshe ndindena.

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

1 Samuwele 26:20

Konkuwa koko, wu nga thekele mnoha wangu ha mafuni, masoni ka Mkoma; mfumeli wa Israyeli koko a to huma kuya xota ndata, kufana ni m'thu wule a tutumisako tshukwa mimangoni.

Masalmo 10:9

A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Ezekhiyele 24:6

Ngu kumaha keto, Mkoma a khene: Dikhombo ka didhoropa do theketa mnoha, ka khadi yo nzihala, eyo kunzihala ka kona ku si thavekiko! Thavisa txitxuwu txa nyama ka yona tximwetxo ngu tximwetxo, u nga wise txilo.

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Mika 2:8

Kambe i ngadi konkuwa vathu vangu va nga ni wukela kufana ni mlala; mi runduwute dijasi txitimwi ka syambalo sa vale va nga ti ti pinda va di tsani, ku nga vavamna va nga ti ti wuya ngu yimbini.

Mika 3:2

Kwanu mi vengako wunene mi randa wubihi, mi thavisako didhowo dawe da txitimwi, ni nyama yawe txitimwi ka marambu awe,

Zakariya 11:6

Kha ditshuri kha ni na mbi ngadi ni pfela wusiwana vahanyi va ditiko diya, kuwomba Mkoma, aniko wona taku ni na ningela vathu, mmwani ni mmwani manzani ka mkwawe, ni ka dianza da mfumeli wakwe; vona va na onhetela mafu, kambe kha ni na mbi va txhatxhisa manzani kwawe.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.

Hoseya 6:9

Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza.

Mithumo 24:9

Se Vajudha ni vona va to ema nayo, va txi kha vona: “Kha ditshuri ngu toneto.”