Biblia Todo Logo
Bib sou entènèt

- Piblisite -




Mika 7:17 - Bhiblia Yo Sawuleka

17 Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.

Gade chapit la Kopi




Mika 7:17
27 Referans Kwoze  

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.


Vathu va txiwulani va na nama masoni kwakwe; valala vakwe va na ti wisa ha mafuni masoni kwakwe!


Vona va thidhela kambe va huma va txi dhudhumela ngu mikhokholani kwawe.


Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.


Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.


A na ti namise ngutu, mwendo a na thuka adi ningilwe kuthemba!


Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.


“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.


Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba Mkoma.


U txi nga mndilo wu hisako tikhuni, wu halisa mati, kasi ku ditina dako di zivaneka ka valala vako, ngu kumaha keto, matiko ma na dhudhumela masoni kwako.


Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.


Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.


Ngu mhaka yeto, vathu va mtamo va na kudhumisa, se didhoropa da matiko o thisa di na ku thava.


Mkoma, va dhukise, va na ti zive ti to vona mbathu dwe.


Ngu wumbidi wawe va to ti kombekisa ka vawoneleli va Vafilista, se Vafilista va to kha vona: Wonani taku Vahebheru va humile ngu maphalani mule va nga ti baramile kona.


Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.


Va na guma mtamo ngu nzala, ve guma ngu sindeyandeya ni mitungu yo karata ngutu, ni na rumela sihari sa txitinga si txi va kakatxulela ngu makwasa, ni wuxungu wa minyoka, yi tsimbilako lithuluni.


Vanana va vamatiko va gumile mtamo; se va huma mikhokholani kwawe ngu kudhudhumela.


Yotshe mifumo ya ditiko a yi yi rendelekako ditiko da Judha yi to tala ngu kuthava Mkoma vona kha va wusa yimbi yo lwa ni Josafati.


Vafumeli votshe va na ti namisa masoni kwakwe; yotshe mifumo yi na mthumela!


Totshe ti nata khandamela amu ka yotshe mikova ya siwula, ni mu ka tifa ta marigwi, amu ka mipa, ni ka sotshe sitinga.


Swiv nou:

Piblisite


Piblisite