Mika 7:16 - Bhiblia Yo Sawuleka

¹⁶ Matiko ma na ti wona me wa tingana, ngu mhaka ya mtamo wakwe wotshe; va na veka dianza ha txisofu, ni tinzeve tawe ti na vhaleka.

Mika 7:16 Referans Kwoze

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Jobe 40:4

Wona taku kha ni nga wa txilo, ni na kuxamula txani ani kani? Ni tsiva txisofu txangu ngu dianza dangu.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Zakariya 12:9

Se ka ditshiku donedo, ku na maheka tito, ni na lava kukhundumusa otshe matiko ale ma nota wukela Jerusalema.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Masalmo 126:2

Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”

Jobe 21:5

Ni woneni mi xamala; se mi veka dianza ha txisofuni,

Mavingu 30:32

Ngako u di tsimbite ngu wuphukuphuku, u ti guleta, ni kungako u di pimisete to biha, veka dianza ha ka txisofu.

Mika 3:7

Se vamawona kule va na wa tingana, ni vahuteteli va na phazamiswa, ina, vona votshe va na vhala sisofu sawe, nguko kha ku na mbi va ni xamulo ya Txizimu.

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.