Mika 7:15 - Bhiblia Yo Sawuleka

¹⁵ Ani ni na va komba sixamaliso, kufana ni masiku a kuhuma kwako ngu ditikoni ka Egipta.

Mika 7:15 Referans Kwoze

Eksodha 3:20

Ngu mhaka yeto, ni na nawuluta dianza ni txi peka ngu dona ditiko da Egipta, ngu sixamaliso sotshe ni no si maha kwawe; msana ka toneto ngu kona ene a no mi leka mi txi tsula.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Masalmo 68:22

Mkoma a wombile a txi khene: “Ni na tisa ngu Bhasani valala vako, ni na va tisa ngu hahatshi ka linene.

Eksodha 34:10

Sekoko Mkoma a xamute a txi khene: “Ni na maha txitumelelano ni nawe; masoni ka votshe vathu vako, ni na mahetela sixamaliso, sile si si ziviko kumaheka ni ka wuhi wukhalo, hambi ni ka wuhi mfumo, ni vathu vava va ku randelako se va na wona mthumo wa Mkoma, nguko simaha so thisa ni na si mahetela ngu mtamo wako.”

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?