Mika 7:10 - Bhiblia Yo Sawuleka

¹⁰ Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Mika 7:10 Referans Kwoze

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Masalmo 42:10

I mhaka muni ni txi xanisekisa tiya kani? Valala vangu va ni ruketela ditshiku ni ditshiku va ni wotisa va txi kha vona: “Txi hani Txizimu txako kani?”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Masalmo 18:42

Ni na va kuya ve fana ni lithulu li huhiswako ngu diphuho, nava kandetela nga madhaka a hanzila.

2 Samuwele 22:43

Sekoko ni to va tshinda va txi nga lithule la mafu, ni va kandetela ni ku vafuvisa kufana ni lidhaka la hanzila.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Jeremiya 51:51

Mi na khanu: Hi thetwe tingana, nguko hi pfite txiruko; tingana ti fenengetile tikhohe tathu, nguko vamatiko va wulete makhaloni ko sawuleka a Nyumbani ka Mkoma.

Masalmo 79:10

Nguko vamatiko va na wotisa va txi kha vona: “Txizimu txako txi hani kani?” Va kombe vathuvo, masoni kwathu, kuphotela ka mnoha wa vathu vako, awu wu nga theketwa!

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Malakiya 1:5

Maso anu ma na ti wona, se mi na khanu: Mkoma a na kuliswe, kukhukhela mihinganoni ka Israyeli.

Obhadhiya 1:10

Ngu mhaka ya ku u nga lwiswa mwananu Jakobe, u na fenengetwa ngu pfilu-pfilu, se u na fuviswa do gwita.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Masalmo 115:2

Nguko, vamatiko va nga simama ve wotisa, va txi kha vona: “Txi hani Txizimu txanu kani?”

Masalmo 109:29

Valala vangu va na tale ngu tingana; tingana tawe ti na va fenengete nga nguwo!

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Masalmo 42:3

Kudila mirongo, ngumba sakudya si ni dyako wusiku ni mitshikari, nguko ditshiku ni ditshiku va ni wotisa va txi kha vona: “Txi hani Txizimu txako kani?”

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Mika 7:8

Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Joxuwa 7:9

Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Jeremiya 49:15

Nguko wona ti to ni kumahile wam'dotho hagari ka matiko, wa kutxhipiswa hagari ka vathu.

Zefaniya 3:15

Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.