Mika 6:9 - Bhiblia Yo Sawuleka

⁹ Dipswi da Mkoma da huwelela didhoropani, se txhari yi na wona ditina dako: Engisani ndonga ni wu a nga yi ruma.

Mika 6:9 Referans Kwoze

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Isaya 30:27

Wonani taku, ditina da Mkoma dita ngu kule, di txi tura ngu txiviti txakwe, di hangalasa wutshi wo phuma; txisofu txakwe txi tate ngu kuhenya, ni lidimi lakwe li fana ni mndilo wo tshokomisa;

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Amosi 2:5

Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Isaya 66:6

Dispwi da kudhinda ka hombe di nata ngu didhoropani, dipswi da dithepele, dipswi da Mkoma, di ningako hakhelo ka valala vakwe.

Isaya 27:10

Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

Mavingu 22:3

Wo pfisisa wa wona phango e sisala; aniko avale vo divala va pinda ngu kona ve xaniswa.

Masalmo 107:43

Awule i ku wo ziva, a na yi wonisisa mhaka yiya, e pimisa lirando la Mkoma.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 48:10

Nduma yako, awe Txizimu, yi hangalakile ni otshe mafu votshe va kukhozela; ngu mtamo wako, u maha kululama ni kudikha.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Jobe 10:2

Ni na khani ka Txizimu: U nga ni sunge; ni gele ati ulwako ni nani ngu tona.

Jobe 5:17

Wona taku a katekile wamwamna wule a tsayiswako ngu Txizimu; sekoko u nga kanyise txitsayiso txa wule wa Mtamo-Wotshe.

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

Jeremiya 47:7

U nga humulisa kutxani na u ti ningilwe mlayo ngu Mkoma, wo wukela Asloni, ni ku vhinganyisela mabambe ka linene kani? Ngumo u nga rumwa kona.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Mika 6:10

Ina yi nga diho thomba ya wubihi nyumbani ka m'bihi kani? Ni mpimo wa wudotho wo vengeka kani?

Jobe 23:14

Nguko txi na maha ati ti nga vekelwa ani kambe ndingi to fana ni tiya txi ku nato.

Ezekhiyele 7:9

Se diso dangu kha di na mbi kutsetsa, kambe kha ni na mbi va ni wumbilu; madingano ni tinzila tako, ngu kumaha keto, ni na kunemetisela, manyala ako ma nava txitimwi kwako; se mi na tiziva taku ani Mkoma na tsayisa.