Mika 6:7 - Bhiblia Yo Sawuleka

⁷ Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Mika 6:7 Referans Kwoze

2 Vafumeli 16:3

Nguko a tsimbite ngu nzila ya vafumeli va ka Israyeli, hambi mwanana wakwe a mmahile mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

Masalmo 51:16

Awe khu lavi timhamba; ani nga ni txi ku mahela; awe khu khatali ngu miningelo ya sihari so hiswa.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

Masalmo 50:9

Kha ni ku kombeli ni da dimwedo ka otshe madhuna ako, hambi tiphongo ti u ku nato sibalani kwako,

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

2 Vafumeli 3:27

Sekoko a to teka mfana wakwe wa matiwula, a nga txi dingana kufuma ka wukhalo wakwe, e maha ngene mningelo txitimwi ka diguma; se ku to maneka gujeguje ya hombe ka Israyeli; ngu mhaka yeto, va to tiwuka ve tshumelela ditikoni kwawe.

Isaya 40:16

Hambi txitinga txotshe txa Libhanoni, kha txi eneli kudhivela mndilo wa txiluvelo, ni sifuyo sa kona kha si eneli kumaha mhamba yo hiswa.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

Filimoni 1:12

Na mtshumeta e wuya kwako; ati ti fanako ni ku kurumela mwanana wo veleka nipune.

Amosi 5:22

Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Ezekhiyele 23:37

Nguko va mahile wugango, se ku ni mnoha manzani kwawe; va mahile wugango ni sithombe sawe, ni vanana vale va nga ni velekela, va va pindisile ngu mndiloni, wu txi va tshokomisa.

Jeremiya 19:5

va akete Bhahali makhalo o guleka, kuva va txi na hisela kona vanana vawe ngu mndilo kota miphaxo yo hiswa ya Bhahali; ati ni nga mbi va laya, hambi ku va gela, mwendo ku ti alakanya.

Jobe 29:6

ni txi ngadi ni kuwula mikondo yangu ngu mafura, na ku txi ngadi kututuma sinambwana sa mafura ngu marigwini;

Valamuli 11:39

Se ngako ku di pindile mitxima yimbidi, a to tshumela a txi wuya ka tate wakwe, ahawa tate wakwe a nga maha nga ti a nga xambanya tona. Kambe ene kha nga va a di zivile wamwamna.

Valamuli 11:31

a wule a no khata ene a txi huma ngu ha txikeni ka nyumba yangu, a txi ni hingeta, mbimo yi ni no wuya ni di xute vanana va ka Amoni, eyo ni na maha ngu ene minigelo wo hiswa ka Mkoma.

Levhi 20:1

Mkoma a wombile kambe ka Mosi, a txi khene:

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.