Mika 6:6 - Bhiblia Yo Sawuleka

⁶ Ni na ya ni di ni txani masoni ka Mkoma, ni txi ya nama ka Txizimu Nyatxitimwi kani? Ni nata masoni kwakwe ni di ni miphaxo yo hiswa, ni marole a dilembe dimwedo kani?

Mika 6:6 Referans Kwoze

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Marku 5:7

Se a txi peka huwa ngu dipswi da hombe a txi khene: “I mhaka muni u ku nayo ni nathu, awe Jesu Mwanana wa Txizimu Nyatxitimwi?”

Matewu 19:16

Konaho, mmweyo a to mtshuketela, a txi khene kwakwe: “M'gondisi wamnene, nji txani txa txinene ni fanelako ku txi maha, kasiku ni mana wutomi wo mbi guma kani?”

Dhaniyeli 3:26

Sekoko Nebhukodhonosori a to tshuketa haditimbani ka txikho txa mndilo wo tura ngutu; e kwangula a txi khene: “Xadreke, Mixake, Abhedhi-Nego, anu sithumi sa Txizimu Nyatxitimwi, humani, ngonani kheno!” Sekoko Xadreke, Mixake ni Abhedhi-Nego va to huma ngu hagari ka mndilo.

Mithumo 16:30

Se ngako a di va humisile hahanze, a to khene kwawe: “Vanyamne, nji txani ni fanelako ku txi maha kufela ku ni hulukiswa kani?”

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Johani 6:26

Jesu a to va angula a txi khene: “Ngu ditshuri, ngu ditshuri, na mi gela taku, kha mi ni laveli mhaka ya sidiwukiso si mi nga si wona, aniko mi ni lava ngu ku mi nga dya mapawu, mi khura.

Luka 10:25

M'gondisi wokari wa Mlayo, a to khukha a txi mu duka ngu mapswi awa: “M'gondisi, nji txani ni fanelako ku txi maha, kasiku ni mana wutomi wo mbi guma kani?”

Dhaniyeli 5:21

Se a to thaviswa hagari ka vanana va vathu, mbilu yakwe yi hunduka yi fana ni ya sihari, eya zumba ni timbongola ta txitinga; va to mmaha e dya mwasi, kufana ni tihomu, mmidi wakwe wu nakaniswa ngu mwando wa nzumani, kala kuza e tiziva ti to, Txizimu Nyatxitimwi, txa fuma txitimwi ka mifumo ya vathu, ni ku txa ninga wukoma, ka wule txi mrandako.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Dhaniyeli 4:9

Awe Bheltexezari, mthangeli wa titxhari, na tiziva ti taku moya wa sizimu so sawuleka wu kwako, aniko kha ku na txihunja txo karata kwako; ningela siwoniso sa mloro wule ni nga lora ni txhamuselo ya kona.

Masalmo 95:6

Ngonani anu hi ta khozela ni kunama! A hi khizameni masoni ka Mkoma awu a nga hi vanga,

Masalmo 22:29

Va na m'dhumise ava va nga relela mathowoni; votshe avale vafako va na name masoni kwakwe, nguko ene ngene a ningako wutomi.

2 Samuwele 21:3

Dhavhidha a to khene koko, ka Vagibheyoni: Mi lava ku ni mimahela txani kani? Ni ku ni nga midihela ngu txani kasi ku mi katekisa thomba ya Mkoma kani?

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Vaefesu 3:14

Ngu toneto, na khizama masoni ka Tate,

Marku 12:33

ni ti kambe to: ‘Kuranda Txizimu ngu yotshe mbilu, ngu otshe mapimo, ngu wotshe mtamo, ni kuranda muakelani nga ti m'thu a ti randisako tona’, ti ni lisima kupinda totshe timhamba to hiswa ni totshe tixaka ta timhamba.”

Vahebheru 10:11

Kha ditshuri, mphaxeli wuhi ni wuhi wa Txitumelelano txa Kale, a humelela ngu mthumo wakwe wa kukhozela, otshe masiku, a txi wuyelela kuphaxa yoneyo mhamba ya yimweyo, sikhati sasingi, kambe yona kha yi sikoti kufuvisa txionho.

Mitengo 7:51

dirole, ni hamba, ni txinvutana txa dilembe dimwedo, kasi kumaha mphaxo wo hiswa;

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Masalmo 95:2

A hi yeni masoni kwakwe, na hi txi embelela tindando ta kubonga a hi mu bongeni ngu kutsaka ngu tindando tathu.

Isaya 40:16

Hambi txitinga txotshe txa Libhanoni, kha txi eneli kudhivela mndilo wa txiluvelo, ni sifuyo sa kona kha si eneli kumaha mhamba yo hiswa.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Ezekhiyele 46:9

Aniko mbimo yi vathu va ditiko va nota ka mpipi wa Mkoma masoni kwakwe, awule a no wulela ngu nzila ya txike txa wulambwe ku ta khozela, a nata huma ngu nzila ya txike txa wuphemba; se awule a no wulela ngu nzila ya txike txa wuphemba, a nata huma ngu nzila ya txike txa wulambwe; kha na mbi tshumela ngu nzila ya txike txile a nga wulela ngu txona, aniko a na huma ngu ni a nga rendekela kona.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Amosi 5:22

Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Eksodha 23:15

U na vekisa M'buso wa Mapawu o mbi Tshumbelwa. Amu ka mtxhanu wa masiku ni mambidi u na dya mapawu o mbi tshumbelwa, nga ti ni nga kuleletelisa tona, ka mbimo yi yi nga emiselwa, amu ka mtxima wa Abhibhi, nguko ngu wonewo mtxima u nga huma ngu wona ditikoni ka Egipta. Ni wammweyo a nga sikote kuhumelela masoni kwangu a sa ñola txilo;

Masalmo 116:12

Ni na bongisa kutxani ka Mkoma wotshe wunene wu a nga ni mahela kani?

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.