Mika 6:2 - Bhiblia Yo Sawuleka

² Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

Mika 6:2 Referans Kwoze

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Masalmo 104:5

U vekile mafu txitimwi ka makhato o tsana, kasiku me zumba ma di tsani.

2 Samuwele 22:16

Kambe ku to humelela kutshima ka linene, makhato a mafu ma to vhunungulwa, ngu kudhusa ka Mkoma, ni kufuteta ka moya wa tithonvuni kwakwe.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Jeremiya 31:37

Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Jeremiya 25:31

Dipswi dakwe di na pfala kala magwito ka mafu; nguko Mkoma a ni dizunga ni matiko, a na lamula yotshe nyama; a na ningela vabihi ka ditxhari, kuwomba Mkoma!

Jeremiya 2:9

Ngu konaho, ni ngadi ni txi na lwa ni nanu, kuwomba Mkoma. Ni vatukulu vanu ni na lwa navo.

Isaya 43:26

Xota ku ni alakanya, hi na wulela hotshe kulamulwani; txhatxha mhaka yako, kasi ku u na maneka di lulamile.

Isaya 5:3

Konkuwa koko, anu vaaki va Jerusalema, ni nanu vavamna va ka Judha, na mi kombela, lamulani hagari kwangu ni m'vhinya wangu.

Mavingu 8:29

mbimo yile a nga ti ti veka magwito a linene, kasi ku mati ma si pindi kuruma kwakwe; mbimo yile a nga ti ti folisela sitsaniso sa mafu,

2 Samuwele 22:8

Sekoko mafu ma to zinginika me bandeka, makhato a nzuma ma to zinginika me bandeka, nguko ene a henyile.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Isaya 3:13

Mkoma a to khukha a txi ema e womba-womba, e huma, kasi kulamula vathu.

Mika 6:1

Engisani konkuwa ti a wombako Mkoma: Khukha, ulwa ni mimango, se simangwana si na engisa dipwsi dako.

Hoseya 12:3

A di ngadi mndani a ñote txizenende txa mwanawe, se ngu mtamo wakwe, ku nga mthangeli, a lwite ni Txizimu.