Mika 6:15 - Bhiblia Yo Sawuleka

¹⁵ Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Mika 6:15 Referans Kwoze

Zefaniya 1:13

Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Johani 4:37

Ngu toneto, di na ni ditshuri dipswi di diku: ‘Mmwani wa phaya, mmwani wa elula.’

Jobe 31:8

sekoko ni na phaye, mmwani a txi dya, ni liveleko langu li na dulwe ngu mikolotini.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Valamuli 6:4

Va ti ti bwaka ve gova hafuhi navo, va txi handa timbewu tawe ta mu tithembweni ka mihinganoni ni Gaza, va si siyi ni txo ve hanya ngu txona va ka Israyeli, hambi tinvuta, hambi tihomu, mwendo timbongola.