Mika 6:14 - Bhiblia Yo Sawuleka

¹⁴ Awe u na dya aniko khu na mbi khura; kambe kutxipiswa kwako ku nava mndani kwako; u na sengeletela aniko kha si na mbi huluka; se ni si u no si hulukisa, ani ni na si ningela ka ditxhari.

Mika 6:14 Referans Kwoze

Hoseya 4:10

Va nadya aniko kha va na mbi khura; va na geleza aniko kha va na mbi anda; nguko va lekile kurendekela Mkoma.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Hagayi 2:16

Msana ka mbimo yileya, kutile m'thu e ta lava mmumbu wa magumi mambidi a mipimo ya fulaho, aniko ku ti kova ni digumi dwe; a txi ta dipipani ku ta reka mtxhanu wa magumi a mipimo ya vhinya, ku ti kova ni magumi mambidi dwe.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Jeremiya 48:44

Awule a no tutuma ngu msanekera a na wela diphalani, awu a no huma diphalani a na txikwa ngu mkuni; nguko ni na tisa txitimwi kwakwe, txitimwi ka Mowabhi ni vekile dilembe da kuhasamulwa kwakwe, kuwomba Mkoma.

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.