Mika 6:12 - Bhiblia Yo Sawuleka

¹² Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Mika 6:12 Referans Kwoze

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Jeremiya 9:8

Lidimi lawe mseve wu dayako, li womba-womba kukanganyisa. Ngu txisofu txakwe m'thu a womba-womba kuthutha ni mwakelani, aniko mbiluni kwakwe wa mriyela

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Varoma 3:13

Mikolo yawe mathowo awa ma nga asama, tidimi tawe ti tolovete kukanganyisa, mkanani kwawe ku tate ngu wuxungu wa minyoka,

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Hoseya 7:1

Mbimo yile ani ni nga kalamukisa Israyeli, se ku tumbutwe wubihi wa Efrayime, kufana ni wubihi wa Samariya, nguko va mahile ta makuhu, se dikhamba di wulela, kambe mtxawa wa sigevenga wu txipa kheno hahanze.

Masalmo 35:20

Vona kha va nga ni mipimiso ya kudikha; va wukela vathu va i ku sisiwana amu ditikoni; ve maha sikungo sa wukanganyisi,

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Amosi 6:4

Mi otelako ka mibhedhu ya makwasa a tinzofu, mi ti gwimba ha matahoni kwanu, mi dya tinvuta ta mitxhambi, ni marole ya hagari ka mitxhambi;

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Masalmo 120:2

Ni hulukise, Mkoma, ka vathu va makuhu ni ka vakanganyisi.

Zefaniya 1:9

Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Mithumo 24:9

Se Vajudha ni vona va to ema nayo, va txi kha vona: “Kha ditshuri ngu toneto.”