Mika 5:9 - Bhiblia Yo Sawuleka

⁹ Dianza dako di na guleka txitimwi ka valala vako, se votshe valala vako va na loviswa.

Mika 5:9 Referans Kwoze

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Masalmo 21:8

Dianza da Mkoma di na ñola votshe valala vako; dianza dako da txinene di na tsayisa votshe va va ku vengelako.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Masalmo 10:12

Khukha u txi ema, Mkoma, va tsayise! U nga divale sikulungu!

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 33:10

Konkuwa ni na khukha ni ema, kuwomba Mkoma; “konkuwa ni na khukha ani nipune”; konkuwa ni na guletwa.

Isaya 1:25

Se ni na wuyisa dianza dangu kwako, ni kubasisa ka mabivi ako otshe; ni kuthavisa hagari ka nzambwa yako yotshe.

Masalmo 106:26

Ngu toneto, Txizimu txi to gula diwoko, txi xambanya ti to txi na va leka va txi fa txiwulani,

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.