Mika 5:8 - Bhiblia Yo Sawuleka

⁸ Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Mika 5:8 Referans Kwoze

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Zakariya 9:15

Mkoma wa Mabutho a Tiyimbi a na va vhikela; se va na dya msana ka kuva va di xute valala ngu marigwi a txibhalakaza; kambe va na sela ve maha diguwa nga va to leviswa ngu vhinya; se va na tala nga majingo txiluveloni.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Matewu 10:14

Sekoko, ngako va si mi amukeli mwendo ngako va si engisi mapswi anu, humani ka nyumbeyo mwendo ka didhoropedo, mi txi huphuta lithulu mikondoni kwanu.

Genesisi 49:9

Judha njingonyamwana; u txi wuya mwanangu ngu kuxotani! Wa bukhwama a txi humula nga ngonyamo ya matune, nga ngonyamo ya matune yo kale. I mani a no mu wusa kani?

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Masalmo 44:5

Hi xula valala vathu ngu mtamo wako, ngu ditina dako ha ganyatela vaxanisi vathu.

Masalmo 104:20

Wa wuyisa txidema, ku txi maha wusiku, se sihari sa txitinga si huma si tsimbilatsimbila.

Mavingu 30:30

Ngonyamo, i ku ya mtamo ngutu hagari ka sihari, kha yi tshumetelwi msana ngu m'thu;

Isaya 5:29

Kubhonga kwawe kufana ni ka ngonyamo; va na bhonga kufana ni singonyamwana; Ina, va na bhonga va txi ñola mipfimba yawe, kha ku na wule a no yi txhatxhisa.

Ezekhiyele 39:10

Kambe kha va na mbi tisa tikhuni ngu txitingani, hambi kuganga txipoponi, aniko va na turisa mndilo ngu matxhari; va na pa ka vale va nga va pela, ni kuhanda ka vale va nga va handa. Kuwomba Mkoma Txizimu.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Mika 5:3

Ngu konaho, a na va ningela kala mbimo yile, awu a lumwako, a no veleka ngu yona; sekoko vamwani vanawe va na wuya ni vanana va ka Israyeli.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Zakariya 11:6

Kha ditshuri kha ni na mbi ngadi ni pfela wusiwana vahanyi va ditiko diya, kuwomba Mkoma, aniko wona taku ni na ningela vathu, mmwani ni mmwani manzani ka mkwawe, ni ka dianza da mfumeli wakwe; vona va na onhetela mafu, kambe kha ni na mbi va txhatxhisa manzani kwawe.

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Zakariya 14:18

Se hambi i di Vaegipta va si kweleliko mwendo kuta, wu nata kwawe mtungu wule Mkoma a no peka ngu wona, matiko ale ma nga mbi kwelela kuya maha m'buso wa Midhuti.