Mika 5:5 - Bhiblia Yo Sawuleka

⁵ Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Mika 5:5 Referans Kwoze

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Zakariya 10:3

Kuhenya kwangu ka tura kuwukela vadyisi, se ni na tsayisa vamabhongwe; kambe Mkoma wa Mabutho a Tiyimbi a na endela mtxhambi wakwe, i ku nyumba ya ka Judha, se a na va maha ku nga dihantxhi dakwe do thaviseka yimbini.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.

Ekleziyaste 11:2

Abanisela ngu makhalo a mtxhanu ni mambidi, mwendo mtxhanu ni mararu, nguko khu zivi dikhombo di di no humelela ha mafuni.

Jobe 5:19

Ka mtxhanu wa makhati a kuxaniseka txi na kutxhatxhisa, da wutxhanu ni mambidi wubihi kha wu na mbi kugwesa.

Mtuletelo 19:14

Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Zakariya 12:6

Ka ditshiku donedo, ni na veka vathangeli va ka Judha va txi nga dikala di turako hahatshi ka tikhuni, ni ku nga dituro hagari ka milumbi; se ngu txinene ni txibhabha vona va na lovisa votshe vathu vale va ku madhawani kwawe, kembe Jerusalema a na aketwa ka wukhalo wakwe, kona Jerusalema kupune.

Zakariya 9:13

Nguko ni dombile Judha kwangu, ni tata Efrayime ngu wulaho; ni na wusa vanana vako awe Siyoni, veya lwisa vanana vako awe Gresiya! Se ni na kuveka ku nga ditxhari da ndena.

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.

Amosi 1:3

Mkoma a womba tiya: Ngu kuhambunyeta kuraru ka Dhamasku ni ka wumune, kha ni na mbi thavisa txitsayiso, nguko va xanisile Gileyadhi ngu mikondo ya tisimbi to thola.

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Isaya 65:8

Mkoma a womba tiya: Kufana ni kungako ku txi manwa dosi amu ka txizangwa txa mauvha, va kha vona: U nga txi xakele, nguko ku ni makatekwa ka txona, ni na mahisa toneto ngu kuranda sithumi sangu, kasi ku ni si va hoxoti votshe.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Mavingu 30:29

Ku ni siraru si ku ni matsimbilelo amanene, ni txa wumune txi tsimbilatsimbilako ngutu:

Mavingu 30:18

Ku ni simaha siraru si ni xamalisako, ni txa wumune ni si txi ziviko:

Masalmo 72:7

Kudikha ni kululama si na tale kufumani kwakwe si na simame si diho, mtxima wu txi ngadi wu woninga!

Mavingu 6:16

Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:

Isaya 14:25

Ni na khundumusa Asiriya amu ditikoni kwangu, ni mkandetela ngu mikondo amu ka mimango yangu, kasi ku dikange dakwe di na maneka kule navo, ni mrwalo wakwe wu na habukiswa ha makata kwawe.

Zakariya 10:11

Ene a na txhatuka linene ngu kukarateka, se a na peka mavimbi a linene, kambe kotshe kutshima ka minambo ku na oma, sekoko kutikulisa ka Asiriya ku na wiswa, ni ndonga ya Egipta yi na khukha.