Mika 5:12 - Bhiblia Yo Sawuleka

¹² se ni na thavisa wuloyi manzani kwako, kambe khu na mbi va ni vanyawuthi;

Mika 5:12 Referans Kwoze

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Isaya 2:18

Se sotshe sithombe so vatwa si na fuviswa do gwita.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Dhewuteronome 18:14

Nguko matiko awa u no ya ma khozisa, ma engisela vanyatixolo ni vauhuti; kambe Mkoma, Txizimu txako, kha ku tumeleli kumaha to nga eto.”

Isaya 44:17

Sekoko, ngu tikhuni tile ti salako, a khanda ngu tona txizimu, txithombe txo vatwa, e khizama masoni ka txona, e nama, e maha mkombelo wakwe ka txona, a txi khene: Ni hulukise, nguko awe u txizimu txangu.

Ezekhiyele 16:41

Se va na hisa tinyumba tako ngu mndilo, ve lamula ngu kuweketa, masoni ka vavasikati votala; kambe ni na wilisa wugelegele wako, khu na mbi ngadi u hakela txilo.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.