Mika 4:8 - Bhiblia Yo Sawuleka

⁸ Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.

Mika 4:8 Referans Kwoze

Isaya 1:26

Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Zakariya 9:12

Tshumelani miya mkhokholani, anu tikhumbi ta txithembo; kambe nyamsi, na mi zivisa taku ni na mi tshumetela kumbidi.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Genesisi 35:21

Sekoko Israyeli a to khukha eya zima ditenda dakwe, kupinda ka Migdhali-Edheri.

Vaefesu 1:21

txitimwi ka votshe va va nga ningwa kufuma ni mtamo ni wuhombe ni wukoma, ni txitimwi ka otshe matina awa ma khumbukwako ka txikhati txa nyamsi ni txa mbimo yi yi tako.

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

2 Samuwele 5:7

Kambe Dhavhidha a to teka mkhokhola wa Siyoni; i ku Didhoropa da Dhavhidha.

Mitengo 24:19

Se ngu ka nyumba ya Jakobe, ku na huma mfumeli. A na lovisa votshe va va no sala mitini.

Matewu 21:33

“Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Isaya 10:32

Ka ditshiku donedo, a na hoka Nobhe, e kombisa txibhakela mmangoni ka dihorana da Siyoni, ni ka mmango wa Jerusalema.

Masalmo 48:3

Txizimu, txi txi ku mikhokholani ka txona, txi ti wonekisile kota wuthavelo wo tsana.

Masalmo 61:3

Awe u wuthavelo wangu kambe u txitezi txo tsana, atxi txi ni hulukisako ka mlala!

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Nehemiya 3:25

Palali, mwana Uzayi, a to aka kukhukhela masoni ka dikhona ni ka txitezi txi txi khukhelako ka nyumba ya txitimwi ya wukoma, yi ku hafuhi ni diguma da mkorani. Msana ka Palali, ku to aka Pedhaya, mwana Paro,

Masalmo 24:7

Anu matimba, tulekani ta tinene! Tulekani, anu matimba a kale ti to a na wulela Mkoma wa kudhumiseka!

Ndando ya Tindando 4:4

Thamo yako yi fana ni txitezi txa Dhavhidha, txi nga akwa kasi kuhayeka kona matxhari, amu ku hayekwako 1.000 wa matxhari, otshe a vathu va mtamo.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.