Mika 4:7 - Bhiblia Yo Sawuleka

⁷ Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Mika 4:7 Referans Kwoze

Luka 1:33

A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.”

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mika 5:3

Ngu konaho, a na va ningela kala mbimo yile, awu a lumwako, a no veleka ngu yona; sekoko vamwani vanawe va na wuya ni vanana va ka Israyeli.

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Isaya 66:8

I mani a khalako kupfa mhaka yo nga eto kani? I mani wu a khalako kuwona to fana ni tiya kani? Ina ditiko di nga sikota kuvelekwa ngu ditshiku dimwedo kani? Ku ndi na tumbunuka mafu ngu diganda dimwedo kani? Kambe Siyoni a ti ti lumwa, se a velekile vanana vakwe.

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Ezekhiyele 43:7

a txi ta khene kwangu: Awe mwanana wa m'thu, awuwa mbukhalo wangu wa wukoma, aho mikondo yangu yi kandako kona, ni na zumba kona hagari ka vanana va ka Israyeli kala kupinduka; kambe va nyumba ya ka Israyeli, kha va na mbi ngadi ve nyenyezisa ditina dangu do sawuleka, vona, hambi vafumeli vawe, ni wugelegele wawe, ni sirumbi sa vafumeli vawe, siluveloni kwawe.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Mika 2:13

Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

Zefaniya 3:20

Ka mbimo yoneyo ni na mi wuyisa, ka mbimo yoneyo ni na mi sengeleta; ngu ditshuri ni na mi ninga kudhundeka ni wudhumo, hagari ka votshe vathu va ha mafuni, mbimo yi ni no wuyisa tikhumbi tanu na mi txi ti wona, kuwomba Mkoma.