Mika 4:2 - Bhiblia Yo Sawuleka

² Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Mika 4:2 Referans Kwoze

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Zakariya 14:16

Ku na maheka taku, votshe vale va no sala, ka otshe matiko ale ma nga lwisa Jerusalema, ma na kwelela dilembe ni dilembe, kuya khozela Mfumeli, Mkoma wa Mabutho a Tiyimbi, ni kuya maha m'buso wa Midhuti.

Mithumo 13:42

Ngako Paulo ni Bharnabhasi va txi huma ngu disinagogani, vathu va to kombela ti to ka Sabbata yi yi tako ve va gondisa kambe timhaketo.

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

Masalmo 119:171

Ni na embelela ndando ya ku kudhumisa, nguko awe u ni gondisile kuziva milayo yako.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Jeremiya 42:3

Kuva Mkoma Txizimu a na hi kombisa nzila yi hi no tsimbila ngu yona, ni ti hi dinganako ku ti maha.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.