Mika 4:13 - Bhiblia Yo Sawuleka

¹³ Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Mika 4:13 Referans Kwoze

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Isaya 23:18

Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.

Isaya 18:7

Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.

1 Vakorinto 16:2

Ngu ditshiku do khata ka divhiki, mmweyo ni mmweyo kwanu, m'tini kwakwe, a na phawuse e veka ngu phuho asi a nga sikota kusiyeta, kasiku mi si rinzeli kuta senga ni di bwakile.

Zakariya 6:5

Se ngelozi yi to ni xamula yi txi kha yona: Ayiya i mune wa mimoya ya nzumani, yi humako ngu mu yi nga ti ti kona masoni ka Mkoma wa mafu otshe.

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

Masalmo 68:29

Dithepele dako di maneka Jerusalema; vafumeli va tsula koneyo va txi ya ku mahela siningo.

Joxuwa 6:19

Aniko yotshe silivhela, ni nzalama, ni siya sa txikete ni sa simbi, si lumba Mkoma; si na maha thomba ya Mkoma.”

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Dhewuteronome 33:25

Sikhoto sako si na va sa simbi ni koporo; mtamo wako wu na simama nga masiku a kuhanya kwako.”

Isaya 21:10

O! Awe u nga Hulwa, awe fulaho ya wuhulelo wangu! Ati ni nga tipfa ngu ka Mkoma wa Mabutho a Tiyimbi, Txizimu txa ka Israyeli, ngutu ni nga mi zivisa.

Jeremiya 51:20

Awe ngawe hamela yangu ni matxhari angu a yimbi, kumweko ni nawe ni na tshatulela matiko, kambe kumweko ni nawe ni na khundumusela vafumeli;

Hoseya 10:11

Nguko Efrayime dirole da dithokazi di nga fuywa, di dhundako kuhula; ni woni kutshura ka thamo yakwe; ni na mmaha e gadhwa Efrayime. Judha a na dima, kambe Jakobe a na zuzela.

Habhakuki 3:12

Ngu kupandiseka u tsimbilatsimbite ha mafuni, ngu txiviti u kandetete matiko.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Zakariya 12:6

Ka ditshiku donedo, ni na veka vathangeli va ka Judha va txi nga dikala di turako hahatshi ka tikhuni, ni ku nga dituro hagari ka milumbi; se ngu txinene ni txibhabha vona va na lovisa votshe vathu vale va ku madhawani kwawe, kembe Jerusalema a na aketwa ka wukhalo wakwe, kona Jerusalema kupune.