Mika 4:12 - Bhiblia Yo Sawuleka

¹² Aniko kha va ma zivi mapimiselo a Mkoma, kambe kha va pfisisi kukawuka kwakwe, nguko a va sengeletile ku nga mafaka a mu txizendani.

Mika 4:12 Referans Kwoze

Isaya 55:8

Nguko mialakanyo yangu, hi nga mialakanyo yanu, ni tinzila tanu, hi nga tinzila tangu, kuwomba Mkoma.

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.

Luka 3:17

Manzani kwakwe ana ni txiselo txa kusangaya, a na hehera fulaho ya txithatheni kwakwe, e yi sengeleta mu txisangalani kwakwe. Se a na hisa maphumbu ngu mndilo wo mbi timeka.”

Isaya 21:10

O! Awe u nga Hulwa, awe fulaho ya wuhulelo wangu! Ati ni nga tipfa ngu ka Mkoma wa Mabutho a Tiyimbi, Txizimu txa ka Israyeli, ngutu ni nga mi zivisa.

Masalmo 147:19

Ene wa rumela mahungu akwe ka va ka Jakobe, mithetho yakwe ni milayo yakwe ka va ka Israyeli.

Masalmo 147:20

Ene kha ti maha tiya ka mamwani matiko, kha ma tulela kuziva mithetho yakwe. Dhumisani Mkoma!

Isaya 10:7

hambiko ene a singako ni mhaka nito, hambi mbiluni kwakwe, kha alakanyeli eto; Aniko mbilu yakwe yi navela kuhoxota, ni kulovisa matiko o tala.

Isaya 29:7

Se kufana ni mloro ni txiwoniso txa wusiku, i nava kutala ka otshe matiko, ale ma no lwa me wukela Ariyeli, ni votshe vale va no lwa ve muwukela, ve wukela maguma akwe, ve mxanisa.

Jeremiya 51:20

Awe ngawe hamela yangu ni matxhari angu a yimbi, kumweko ni nawe ni na tshatulela matiko, kambe kumweko ni nawe ni na khundumusela vafumeli;

Joyeli 3:2

Ni na tshanganisa otshe matiko, ni txi ma releta mkovani ka Josafati, ni wulela nawo kulamulani, ngu mhaka ya vathu vangu ni thomba yangu Israyeli, awu vona va nga mu hangalasa hagari ka matiko, va txi ambanisa ditiko dangu.

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.