Mika 4:11 - Bhiblia Yo Sawuleka

¹¹ Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Mika 4:11 Referans Kwoze

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Jeremiya 52:4

Se amu ka dilembe da wutxhanu ni mune da kufuma kwakwe, ka mtxima wa wugumi, ka ditshiku da digumi ka mtxima, kutile Nebhukodhonosori, mfumeli wa Bhabhilona, ku ta lwisa Jerusalema, ene ni dibutho dakwe dotshe, ve ta ranganyeta, ve tsivela otshe madhawa.

Masalmo 129:5

Va na tale ngu tingana ve hingwa votshe valala va Siyoni!

Isaya 10:7

hambiko ene a singako ni mhaka nito, hambi mbiluni kwakwe, kha alakanyeli eto; Aniko mbilu yakwe yi navela kuhoxota, ni kulovisa matiko o tala.

Isaya 17:12

Dikhombo ka dibutho da hombe da vathu vale va bhongako, nga ti ti bhongisako tona tinene, ni kudhuma ka matiko, ma dhumako kufana ni kudhuma ka mati o tala!

Isaya 29:7

Se kufana ni mloro ni txiwoniso txa wusiku, i nava kutala ka otshe matiko, ale ma no lwa me wukela Ariyeli, ni votshe vale va no lwa ve muwukela, ve wukela maguma akwe, ve mxanisa.

Ezekhiyele 26:3

Ngu kumaha keto, Mkoma Txizimu a khene: Wona taku ani na kuwukela awe Tiro, se ni na maha ti to matiko o tala ma txi kulwisa, ku nga linene li guletako mavimbi a lona.

Masalmo 83:5

Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

Ezekhiyele 38:17

Mkoma Txizimu a khene: Ina hi nga awe ni nga womba-womba ngu ngawe ka masiku a kale, ngu mthumo wa sithumi sangu, i ku vaprofeti va ka Israyeli, avale ka ona masiku ale, va nga profeta ka malembe o tala, ni nga khani ni na kutisa u ta lwa navo kani?

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.