Mika 4:10 - Bhiblia Yo Sawuleka

¹⁰ Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Mika 4:10 Referans Kwoze

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Hoseya 13:13

Kupanda ko veleka ka wamsikati ku nata; ene mwanana wa kwa mbi engisa, nguko i mbimo, kambe kha nga ka wukhalo wu dingana kuvelekwa.

Hoseya 2:14

Wonani taku, ani ni na mndinda, ni m'yisa txiwulani, ni ya womba-womba mbiluni kwakwe.

Isaya 45:13

Ani ni m'wisile ngu kululama, se totshe tinzila takwe ni na ti lulamisa; ene a na aka didhoropa dangu, kambe a na txhatxha tikhumbi tangu, i si nga ngu hakhelo hambi ngu siningo, kuwomba Mkoma wa Mabutho a Tiyimbi.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

2 Vafumeli 20:18

Hambi ni vanana vako ava u no va veleka, va na tekwa ve tsuliswa kuya mahwa mithenwa, nyumbani ka mfumeli wa Bhabhilona.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Jeremiya 15:21

Ni na kuhulukisa manzani ka vabihi, ni na kutirula manzani ka vanyatshiku.

Masalmo 106:10

Ngu toneto, txi va hulukisile ka vale va nga ti va venga txi va tirula mtamoni ka valala.

2 Makronika 36:20

Ava va nga huluka kudawa ngu ditxhari, a to va teka ve yiswa Bhabhilona; se veya mahwa tikhumbi takwe ni ta vanana vakwe, kala ka mbimo ya mfumo wa Persiya,

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

Jeremiya 29:20

Ngu konaho, pfanani mhaka ya Mkoma, anu motshenu mi ku wukhumbini, anu ni nga mi rumela ngu Jerusalema kuya Bhabhilona.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Jeremiya 52:27

Se mfumeli wa Bhabhilona a to va dayisa e va daya kona Ribhila, ditikoni ka Hamati; ngu kumaha keto, Judha a to tekwa ditikoni kwakwe e tsuliswa wukhumbini.

Mika 5:3

Ngu konaho, a na va ningela kala mbimo yile, awu a lumwako, a no veleka ngu yona; sekoko vamwani vanawe va na wuya ni vanana va ka Israyeli.

2 Makronika 36:23

Siro mfumeli wa Persiya a khene: Mkoma Txizimu txa nzumani, a ni ningile yotshe mifumo ya ha mafuni, e ni rweka mthumo wo mu akela nyumba kona Jerusalema, ditikoni da Judha. Ni wuhi a kuho hagari kwanu, ka votshe vathu vakwe, a na kwelele eya Jerusalema, se Mkoma, Txizimu txakwe txi na va ni nene.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Jeremiya 13:4

Teka libhandi li u nga xava, li ku txiwununi kwako, tsula Ewufrate u txi ya li sisa mu ka phako ya dirigwi.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.