Mika 3:9 - Bhiblia Yo Sawuleka

⁹ Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Mika 3:9 Referans Kwoze

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Mika 3:1

Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Levhi 26:15

ni kungako mi txi eyisa milayo yangu, moya wanu wu txi lamba sileleto sangu, miza mi txi hoka aha ko mbi xayisa mithetho yangu, mi funya txitumelelano txangu,

Eksodha 3:16

Tsula u txi ya tshanganisa madhota a ka Israyeli, u txi va gela tiya: Mkoma, Txizimu txa vatate vanu, Txizimu txa Abrahamu, Txizimu txa Isaake, ni Txizimu txa Jakobe, a wonekile kwangu, a txi ni gela tiya: Ngu ditshuri ni mi endete, ni woni ti mi mahwako kona Egipta.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Mavingu 21:7

Wulala wa vabihi wu gwita ngu ku va lovisa, nguko vona va lamba kumaha kululama.

Ezekhiyele 44:23

Se vaphaxeli va na gondisa vathu vangu, kuhambanisa hagari ka kusawuleka ni kunyenyeza, ni kuhambanisa kusawuleka ni kwa mbi sawuleka.

Mika 1:1

Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.

Nehemiya 13:17

Se ni to lwisana ni sikhumukani sa ka Judha, ni si gela tiya: Wubihi muni wuwa mi wu mahako, ngu kunyenyezisa ditshiku da Sabbata kani?

Mavingu 17:23

M'thu wo biha wa tumela kuxavwa txihunjani, kuva a txi na sanula ditshuri da wululamo.

Amosi 5:7

Anu mi phinduketako wunene ngu mbiti, ni kurinza hahatshi wululamo.