Mika 3:3 - Bhiblia Yo Sawuleka

³ ni ku mi dyako nyama ya vathu vangu, mi va thavisa didhowo, mi va fayetela marambu, ni ku va gangela nga vo lava kubetelwa khadini, nga nyama amu dibhotani.

Mika 3:3 Referans Kwoze

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Ezekhiyele 11:3

evo va ku kha vona: Kha yi nga hafuhi mbimo ya kuaka tinyumba; didhoropa diya i khadi, se athu hi nyama.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Masalmo 27:2

Ngako vathu va kubiha va txi ni wukela ve zama ku ni daya, ngu vona valala vangu va humbwako va txi wa.

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Ezekhiyele 24:4

beta sitxuwu sa sinene sa nyama, minenge ni siphanga u txi yi tata ngu marambu o langelwa.

Mika 2:8

Kambe i ngadi konkuwa vathu vangu va nga ni wukela kufana ni mlala; mi runduwute dijasi txitimwi ka syambalo sa vale va nga ti ti pinda va di tsani, ku nga vavamna va nga ti ti wuya ngu yimbini.

Mavingu 30:14

Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Amosi 8:4

Engisani tiya, anu mi navelako kuxanisa vo pwata, mi hoxota sisiwana sa ha mafuni,