Mika 3:12 - Bhiblia Yo Sawuleka

¹² Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Mika 3:12 Referans Kwoze

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Mika 1:6

Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 17:3

O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

Jeremiya 35:17

Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Wona, ni na neha txitimwi ka Judha, ni ka votshe va zumbako Jerusalema, dotshe dikhombo ni ngadi womba kwawe; nguko ni khala ku va gela, aniko kha va engisa; ni va dhani, aniko kha va xamula.

Jeremiya 44:2

A womba tiya Mkoma wa Mabutho a Tiyimbi, Txizimu txa Israyeli: Anu mi woni wotshe wubihi wu ni nga wu maha txitimwi ka Jerusalema, ni txitimwi ka otshe madhoropa a ka Judha, wona ti taku ona nziwula, kha ku nga ni wo zumba ka ona;

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Sidilo 5:18

Nguko mmango wa Siyoni wu xasetwe, vanyapwe va tsimbila-tsimbila kona.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 22:5

Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.