Mika 3:1 - Bhiblia Yo Sawuleka

¹ Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?

Mika 3:1 Referans Kwoze

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

1 Vakorinto 6:5

Ni wombisa tiya kasiku mi pfa tingana. Ina kha nga ho hagari kwanu m'thu wo ziva, awu a sikotako kulamula hagari ka vanawe, kani?

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Ezekhiyele 34:2

Awe mwanana wa m'thu, profeta u wukela vadyisi va Israyeli; profeta u gela vadyisi va ka Israyeli ku khawe: Mkoma Txizimu a khene: Dikhombo ka vadyisi va ka Israyeli va ti dyisako vona vapune! Ina vadyisi kha va na mbi dyisa tinvuta kani?

Mika 2:13

Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

Nehemiya 13:17

Se ni to lwisana ni sikhumukani sa ka Judha, ni si gela tiya: Wubihi muni wuwa mi wu mahako, ngu kunyenyezisa ditshiku da Sabbata kani?

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Ezekhiyele 22:6

Wona taku vathangeli va ka Israyeli, mmweyo ni mmweyo madingano ni mtamo wakwe, va ku khozisile, kasi kutheketa mnoha.

Ezekhiyele 34:3

Madya mafura, mi ti ambeka ngu matoya, ni kudaya tile to nona; aniko kha mi dyisi tinvuta.

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.