Mika 2:7 - Bhiblia Yo Sawuleka

⁷ O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani? Ina mapswi angu hi nga manene ka wule a tsimbilako ngu kululama kani?

Mika 2:7 Referans Kwoze

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Mavingu 28:18

Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

Mavingu 10:29

Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.

Mavingu 10:9

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

2 Vakorinto 6:12

Anu kha ma kamana timbiluni kwathu, aniko mi kamanile timbiluni kwanu.

Varoma 7:13

Se, atxi i ku txa txinene, ina txa sikota ku ni vangela lifo kani? Lambi! Txionho ngu txona txi nga ni vangela kufa: Ngu kutiwonekisa nga txilo txa txinene, txi ni date kasiku txi ti kombisa ku njionho, na txi txi ti humelelisa ngu wotshe mtamo wa txona ngu mhaka ya mthetho.

Johani 8:39

Va to xamula va txi kha vona kwakwe: “Tate wathu ngu Abrahamu.” Se Jesu a txi khene kwawe: “Ngako mi di vanana va Abrahamu, mahani mithumo ya Abrahamu.

Matewu 3:8

Humisani mihando yi yi dinganako kuhunduluka kwanu;

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Jeremiya 2:4

Engisani dipswi da Mkoma anu va nyumba ya ka Jakobe, Ni nanu mimwaya yotshe ya ka Israyeli.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Mavingu 14:2

Awule a tsimbilako ngu ka wunene wakwe wa thava Mkoma, aniko awule a ku ka nzila yo wekela, wa mtxhipisa.

Mavingu 2:7

Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka,

Masalmo 119:65

Mkoma, u ni xayisile ta tinene ani txithumi txako: U mahile madingano ni kuthembisa kwako.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Masalmo 119:68

Awe u wamnene kambe u mkatekisi; ni gondise sileleto sako.

Masalmo 18:26

Awe u lulamile ka wule a nga lulama u txharihile ka wule a ku ni mapimo o biha.