Mika 2:6 - Bhiblia Yo Sawuleka

⁶ Mi nga profeteni; ava va profetako, va nga profete ngu mahelo yiya, nguko ku nga humelela tingana.

Mika 2:6 Referans Kwoze

Amosi 2:12

Aniko anu, Vanazira mi va ningile vhinya ve sela, vaprofeti mi ruma mi txi khanu: Mi nga profeteni.

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

Mithumo 5:40

Ti di mahile eto, va to dhana vapostoli, ve rumela ku va na kwapelwe ngu timhika. Se va di va gelisisile ta tinene, ti to va si ngadi ve txhumayela ngu ditina da Jesu, va to va leka ve tsula.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Mithumo 4:17

Kambe kufela ku timhaka tiya ti si thuki ti ya masoni ngu kuhangalaka hagari ka vathu, he va layeni ni ku va dhukisa, ti to va si nga ngadi ve gondisa m'thu, wuhi ni wuhi, ngu ditinedo.”

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Amosi 7:13

Kambe a ha Bheteli, kukhukhela kuwa kala kupinduka, khu na mbi ngadi u profeta kambe, nguko wukhalo wo sawuleka wa mfumeli ni nyumba ya mfumo.

Ezekhiyele 21:2

Awe mwanana wa m'thu, rendekela Jerusalema na u di thuvikile, u theketa mapswi ako o wukela makhalo o sawuleka, ni kuprofeta u wukela ditiko da ka Israyeli.

Ezekhiyele 20:46

Awe mwanana wa m'thu, rendekelisa khohe yako ka nzila ya Wulambwe, se u tshakunuta mapswi ako o wukela va Wulambwe, profeta u wukela txitinga txa thembweni ka Wulambwe.

Ezekhiyele 3:26

Se ani ni na maha ti to lidimi lako, li txi namara mkanani kwako, u va txiduma, khu na mbi va wamwamna wule wa ku va txharihisa; nguko mba nyumba yo eyisa.

Masalmo 74:9

Se kha ku nga ho sidiwukiso hagari kwathu, kambe kha ku nga ho vaprofeti, ni wammweyo kha ti zivi ti to atiya ti na simama kala mbimo muni!

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Amosi 7:16

Kambe engisa dipswi da Mkoma: Awe u womba tiya: Khu na mbi profeta Israyeli, hambi kuwombawomba ngu nyumba ya Isaake.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.