Mika 2:5 - Bhiblia Yo Sawuleka

⁵ Ngu konaho, awe khu na mbi mana wo rinza ngoti yo pima mpeto, u di msengeletanoni ka Mkoma.

Mika 2:5 Referans Kwoze

Joxuwa 18:4

Sawulani vavamna vararu ka lihunzu ni lihunzu, kasi ku ni txi ta va ruma, va na ya dhawula ditiko, va txi di xola ni kubhaletela tipimo ta dona, ve ziva thomba ya kona, ve tshumela ve wuya kwangu.

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Masalmo 16:6

Ni ningilwe txyavelo ka makhalo o tsakisa kunene thomba yangu ya ni tsakisa.

Nehemiya 7:61

Ni vona vava va kwelete ngu Teli-Mela, Teli-Harsa, Kerubhi, Adhomi ni Imeri, aniko kha va sikota kukombekisa nyumba ya vatate vawe ni lihunzu lawe, ti to i ti ti va ka Israyeli:

Dhewuteronome 23:8

Vanana va mi no va veleka ka liveleko la wuraru, mmweyo ni mmweyo wawe, a na wulela msengeletanoni ka Mkoma.

Dhewuteronome 23:2

Ni wammweyo wo velekwa wugangoni, kha na mbi wulela msengeletanoni ka Mkoma; hambi liveleko lakwe la wugumi, kha li na mbi wulela msengeletanoni ka Mkoma.

Mitengo 34:13

Se Mosi a to gela vanana va ka Israyeli, a txi khene: Adiya ngu dona ditiko di mi no di teka, diva thomba yanu, adi Mkoma a nga ruma ti to di ningelwa ka mtxhanu wa tihunzu ni mune, ni ka hafu ya lihunzu.

Mitengo 34:16

Mkoma a wombile kambe ka Mosi, a txi khene:

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

1 Makronika 16:18

a txi khene: Ni na kuninga ditiko da Kanana, di maha thomba yanu.