Mika 2:3 - Bhiblia Yo Sawuleka

³ Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Mika 2:3 Referans Kwoze

Amosi 5:13

Ngu toneto, awu a ku ni mapimo a na malala, ka yona mbimo yile, nguko mbimo yi na va yi di bihile.

Jeremiya 8:3

Ni va va nga sala ka lixaka la wubihi wa ku nga eto va na randa kufa kupinda kuhanya, ka otshe makhalo awa ni nga va tutumisa ka ona, kuwomba Mkoma wa Mabutho a Tiyimbi.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Sidilo 5:5

Vaxanisi vathu va txitimwi ka tithamo tathu; se athu hi karate, kha hi nga ni kuhumula.

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Vaefesu 5:16

londolani mbimo yi mi ku nayo, nguko masiku a ngweno ma bihile.

Varoma 16:4

ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Sidilo 1:14

Ngu dianza dakwe a sungelete nyanda ya sionho sangu e si sungelela hamakata kwangu, nga dikange; Mkoma a emisile mitamo yangu se a txi ni ningela ka valala vangu; se na tandeka kukhukha ni txi ema.

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.

Jeremiya 36:23

Ku ti ngako Jehudhi a ti gondile tindima tiraru mwendo mune, mfumeli a to wila dibhuku ngu mesa a txi di tshotsha ka mndilo ha txikho.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Jeremiya 27:12

Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Isaya 3:16

Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Amosi 3:1

Engisani mapswi ya a mi kawukako ngu ona Mkoma, anu vanana va ka Israyeli, o kawuka lotshe liveleko li ni nga li humisa ngu Egipta, a txi khene:

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Isaya 29:20

Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,