Mika 2:13 - Bhiblia Yo Sawuleka

¹³ Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

Mika 2:13 Referans Kwoze

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Hoseya 1:11

Se vanana va ka Judha ni vanana va ka Israyeli votshe va na sengeletana, ve ti emisela mthangeli mmweyo dwe, ve huma ditikoni; nguko di na va da hombe ditshiku da Jezireyeli.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Mika 3:1

Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?

Eksodha 14:19

Ka mbimo yoneyo, Ngelozi ya Txizimu, ayi yi nga ti thangela mabutho a va ka Israyeli, yi to khukha yi txi zumbela msana kwawe. Ni yona phande ya direfu yi to guleka yi txi khukha masoni kwawe yi ta manekela msana;

Joxuwa 3:6

Se Joxuwa a to womba ka vaphaxeli a txi khene: “Gulani dibhokiso da txitumelelano, mi txi thangela masoni ka vathu vava.” Va to gula koko dibhokiso da txitumelelano, va txi thangela masoni ka vathu.

Hoseya 2:2

Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.