Biblia Todo Logo
Bib sou entènèt

- Piblisite -




Mika 2:1 - Bhiblia Yo Sawuleka

1 Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Gade chapit la Kopi




Mika 2:1
40 Referans Kwoze  

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.


Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.


Ngu kwako awe Ninivha, kuhumile mmweyo wo alakanya wubihi ngu Mkoma, didhota do timeta.


mbaruketeli, mbalala va Txizimu, vakanyisi va kutikulisa, va kutithemba, vasiki va to biha, vaeyisi va vaveleki vawe, mabhemba;


Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”


Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.


Kha va oteli va si se maha to biha, se wukohe wa va tutuma, ngako va si se wisa m'thu.


U nga va tone somaha a vale si va lumbako, na mtamo wo maha eto wu di manzani kwako.


Ani ni ni mtamo wa ku kutsayisa, aniko Txizimu txa tate wako, ka wona wusiku wu wu nga pinda, txi ni gete tiya: “Ti wonele, u nga wombe txilo ka Jakobe, hambi txo biha, hambi txa txinene.”


Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.


Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”


Vanana vako va mazambi ni vamahorana va na ningelwa ka yimwani mifumo; ni maso ako ma na ti wona toneto, ma txi dokovela ngu kuxuva wusiku ni mitshikari, aniko dianza dako di na pwata mtamo, di si sikoti kumaha txilo.


Konkuwa, anu ni dibanza, zivisani mthangeli wa hombe kasiku yi m'rumela kwanu, mi na nga mo lava ku mu wotisisa kha kwati mhaka yakwe; athu hi nava hi di ti longisete ku m'daya na a sinzi kuhoka.”


M'thu wa wunene a na mana kutsakelwa ngu Mkoma, aniko a na kona m'thu wa mapimo o hambana.


Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.


Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.


Se a to ni gela ku khene: Awe mwanana wa m'thu, avava mbathu va va pimisako wubihi, kambe va ningako sileleto so biha ka diya didhoropa,


Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.


Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.


Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.


Txidayi txa wuka ngu mabimbi-kutxa, txi daya txisiwana ni vo pwata se ni wusiku txi ti maha dikhamba.


Ina kha va hoheti avale va mahako to biha kani? Aniko kukateka ni kuthembeka ku na lumba vale va mahako tinene.


Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,


Anu mi ti thembisela ngu matxhari anu, mi mahetela ta manyala, se mmweyo ni mmweyo a navela msikati wa muakelani wakwe! Ina mi na lumbwa ngu ditiko diya kani?


Mkoma Txizimu a khene: Se ku na maheka ka dona ditshiku dile taku, u nave ni kualakanyela mbiluni kwako, se u na ziva zumbelo yo biha.


Kambe mthangeli kha na mbi teka txilo ka thomba ya vathu, kha na mbi va kanganyisa ka sile si va lumbako; ka thomba yakwe apune, a na siyela thomba vanana vakwe, kasi ku vathu vangu va si tekelwi, m'thu ni m'thu ni thomba yakwe.


Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.


se mi nga xaniseni noni, hambi wo felwa ngu vaveleki, ni wa matiko, ni txisiwana, mwendo kualakanyela wubihi mmwani ni mmwani ka mwanawe, mbiluni kwakwe.


Sekoko msikati wa kona Jezabheli, a to khene kwakwe: Kasi hi ngawe mfumeli wa Israyeli konkuwa kani? Wuka u txi dya dipawu, kambe mbilu yako yi na tsake; ani ni na kuninga thembwe ya Nabhote, Mujezireyeli.


Va ni sirumbu sa mthumo wo veleka wubihi, se tindani kwawe kululamisela wukanganyisi.


Aniko wumbilu wako, Mkoma, wu gulekile wu hoka ni nzumani; ditshuri dako da manela marefu.


Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.


Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.


Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!


Swiv nou:

Piblisite


Piblisite