Mika 1:9 - Bhiblia Yo Sawuleka

⁹ Nguko txilonda txako kha txi holiswi, nguko txi hokile kala ka Judha; txi endelekile kala ha txikeni ka vathu vangu, kona Jerusalema.

Mika 1:9 Referans Kwoze

Mika 1:12

Nguko awu a zumbako Maroti, a pfite kupanda ngu kulava wunene; nguko dikhombo di txikile ngu ka Mkoma, kala ha txikeni ka Jerusalema.

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Jeremiya 46:11

Kwelela u tsula Gileyadhi u txi ya teka mrende, awe wotuma m'horana wa Egipta; wo tatela walo mirende; khu na mbi kalamuka.

Mika 6:13

Ngu toneto, ani nani ni na kuheta mtamo, ni kudayisa, ni ku kuhoxota ngu mhaka ya sionho sako.

Nahume 3:19

Kha ku nga ni mrende wo kalamukisa txilonda txako; mbanga yako yo panda ngutu, votshe vale ngu ditshuri va no pfa nduma yako va na ku bhwabhwatela manza, nguko i mani wule wu nga mbi pinda ngu kwakwe wubihi wako kani?

Isaya 36:1

Se ku to maheka taku, ka dilembe da wugumi ni mune, da mfumeli Ezekhiya, Senakeribhe, mfumeli wa Asiriya, e wukela otshe madhoropa a mtamo a ka Judha, e ma honyola.

Isaya 36:2

Sekoko mfumeli wa Asiriya a to rumela Rabhisake, ni dibutho da hombe da yimbi, ka mfumeli Ezekhiya, kukhukhela Lakisi kala Jerusalema; se a to ema hafuhi ni likasa la txisima txa txitimwi ngutu, hafuhi ni nzila ya thembwe ya wukuwuleloni.