Mika 1:8 - Bhiblia Yo Sawuleka

⁸ Ngu kumaha keto, ni na dila, ni xomuleka, se ni handwa ni tsimbila ni sa ambala txilo; ni na dilisa ku nga vamwamilambo, ni xomuleka nga timbuwu.

Mika 1:8 Referans Kwoze

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Jeremiya 9:19

Nguko dipswi da txidilo di pfate ngu Siyoni, di txi kha dona: Yowe! Kuloviswa kwathu! Hi ta so mba tingana, nguko hi lekile ditiko, se vona va hasamute tinyumba tathu.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Isaya 16:9

Ngu toneto, ni na dila ngu madilelo a Jazeri, i ku m'vhinya wa Sibhima; ni na ku nakanisa ngu mirongo yangu, awe Hesibhoni, ni Eleyale, nguko litsako la hombe la mihando yako ya malanga, ni la kuelula kwako, li mwalate.

Isaya 13:21

Kambe sihari sa txiwulani si na zumba kona, tinyumba tawe ti na tala ngu sisukulu, ni timbuwu ti na zumba kona, ni tiphongo ti na ndaka-ndaka kona.

Masalmo 102:6

Ni fana ni ditshukulu di ku mu txiwulani; ni txikhovha txi txi ku marumbini.

Jobe 30:29

Ni ti mahile ndiya ya maxolwa, ni txi ti maha mngana wa timbuwu.

1 Samuwele 19:24

Se a to thavisa syambalo sakwe, e profeta nene masoni ka Samuwele, a to zumba ditshiku dotshe ni wusiku wotshe i di tximbwiri; nga ha ku wombwako tito: Sawule nene i mmweyo wa vaprofeti kani?

Isaya 13:22

Se vanyadhukwe va na emba ka tinyumba tawe ta wukoma ta maphanga, ni maxolwa ka tinyumba tawe ta wukoma ta litsako; se mbimo ya dona yi hafuhi ni masiku a kona kha ma na mbi engetelwa.

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Ezekhiyele 32:18

Awe mwanana wa m'thu, peka huwa ngu dibutho da Egipta, u txi di releta, dona ni vanana vamahorana va matiko a mtamo, va txi ya hahatshi ngutu ka mafu, ni vale va relelako diphalani.

Mika 2:4

Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona: Hi hoxotilwe do gwita! A tekile thomba ya vathu vangu! Eto a ni handisako tona! A teka tithembwe tathu e ti abanisela!

2 Vafumeli 18:13

Ka dilembe da digumi ni mune da kufuma ka Ezekhiya, Senakeribhe mfumeli wa Asiriya, a to wukela otshe madhoropa a mtamo a ka Judha, e ma honyola.

Esteri 4:1

Mbimo yile Mordhekayi a nga ziva totshe tile ti ngadi mahekile, a to vharulela syambalo sakwe, se e ambala syambalo sa masaka ni ku ti theletela dikhuma, kambe a to huma eya hagari ka didhoropa, a txi peka huwa, e dila ngu txiviti;