Mika 1:6 - Bhiblia Yo Sawuleka

⁶ Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.

Mika 1:6 Referans Kwoze

Ezekhiyele 13:14

Se ni na wisa diseta di mi ngadi kopola ngu txitsowo, kambe ni na di khundumusa ni di wisa hahatshi, ni sitsaniso sa dona si na sala hahanze; di na wisa tona tiya, kambe anu mi na mwalala hagari ka dona, mi na tiziva taku ani ngani Mkoma.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

2 Vafumeli 19:25

Ina u nga va u sa tipfa taku ngu kale ni ti mahile toneto, niku kukhukhela masiku a kale ni si vangile kani? Sekoko konkuwa ni ku tisile, kuva u ta khozisa madhoropa a mtamo me maha situletule sa siwula.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Habhakuki 3:13

Awe u humile kuya hulukisa vathu vako, kuya hulukisa msawuleki wako; awe u gangile msungo wa nyumba ya wo biha, u fumbula makhato a nyumba kala magwito. (Selahi)

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Isaya 25:12

Se a na wisa mikhokhola yo guleka ya maguma ako, kambe a na ma wisa, a txi ma khundumusela hahatshi, kala me maha lithulu.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

2 Samuwele 17:13

Se ngako a txo tutuma eya ka didhoropa dokari, votshe va ka Israyeli va na tisa tingoti ka didhoropa donedo; aniko hi na di ndinda kala txinambwanani, kuza ku si sali txirigwana ni txa tximwetxo ka dona.

Isaya 17:1

Mahungu a Dhamasku. Wona taku Dhamasku a na thaviswa, kha na mbiswa e maha didhoropa, aniko a na maha mmumbu wa marumbi.

Jeremiya 31:5

U nga txi na phaya sivhina mimangoni ka Samariya; ava va phayako va na dya mihando ya kona.

2 Vafumeli 18:9

Ka dilembe da wumune da kufuma ka Ezekhiya (i ku dilembe da wutxhanu ni mambidi da kufuma ka Hoseya, mwana Ela, mfumeli wa ka Israyeli), Salmanaseri mfumeli wa Asiriya, a to wukela didhoropa da Samariya, a txi di randela.

2 Vafumeli 18:10

Se va to di honyola kugumani ka malembe mararu; ina, ka dilembe da mtxhanu ni dimwedo da kufuma ka Ezekhiya, i nga ti ti dilembe da mtxhanu ni mune da Hoseya, mfumeli wa ka Israyeli, ku to honyolwa Samariya.

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.