Mika 1:4 - Bhiblia Yo Sawuleka

⁴ Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Mika 1:4 Referans Kwoze

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Masalmo 97:5

Mimango ya nyivilika nga phula, masoni ka Mkoma Txizimu i ku nyamne wa otshe mafu.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Amosi 9:5

Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.

Valamuli 5:4

Awe Mkoma, mbimo yi u nga huma ngu Seyiri, mbimo yi u nga ta ngu libalani ka Edhomi, mafu ma to zinginika nzuma yi to nisa mati, se marefu ma to wisa mati.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Masalmo 68:2

va mwalala nga wutshi hagari ka mpfhuka, va nyivilika nga phula ha mndiloni. Ngu tonti vathu vo biha va fisako tona, masoni ka Txizimu!

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.