Mika 1:3 - Bhiblia Yo Sawuleka

³ Nguko, wonani taku Mkoma wa khukha ka wukhalo wakwe, e txhika, se a na tsimbila-tsimbila txitimwi ka mafu.

Mika 1:3 Referans Kwoze

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Dhewuteronome 32:13

A va kwelisile mimango ya mafu, a txi va dyisa mihando ya txitinga. Ni ku va dyisa wulombe wa dirigwini, ni mtona a kuhuma ngu mu ka dirigwi do banga,

Habhakuki 3:19

Mkoma Txizimu ngene mtamo wangu, se a na maha ti to mikondo yangu yi txi nga ya mhunti, a na ni maha ni tsimbila ka makhalo o guleka. (Ka muembeleli ni ka sivetaveta sangu sa tindando.)

Masalmo 115:3

Aniko Txizimu txathu txi nzumani; txa maha totshe ti txi ti lavako.

Ezekhiyele 3:12

Se Moya wu to ni gula, nipfa dipswi msana kwangu, da kubhonga ngutu, di txi kha dona: Wu na kateke wudhumo wa Mkoma, ha wukhaloni kwakwe.

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Jobe 40:12

Wonisisa votshe va kutikulisa u txi va veka hahatshi, kambe peka vaonhi makhaloni kwawe.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Amosi 9:5

Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.