Mika 1:16 - Bhiblia Yo Sawuleka

¹⁶ Ti mahele lipala, u yola misisi, ngu mhaka ya vanana vako vo tsakisa; kulisa lipala lako kufana ni digama, nguko va tekilwe kwako ve yiswa wukhumbini.

Mika 1:16 Referans Kwoze

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Dhewuteronome 28:41

U na veleka vanana va mazambi ni vamahorana, avale va no mbi kulumba, nguko va na tsula wukhumbini.

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

Amosi 7:11

Nguko Amosi a wombisa tiya: Jerobhowamu a na fa ngu ditxhari; se Israyeli a na yiswa hahanze ka ditiko dakwe, a yiswa wukhumbini.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Jeremiya 4:8

Ngu konaho, ambalani masaka mi dila, ni kudikwila. Nguko kutura ka txiviti txa Mkoma kha ka khukha kwathu.

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.