Mika 1:13 - Bhiblia Yo Sawuleka

¹³ Sunga sihari sa sidotho aha ka txikotxikani, awe u zumbako Lakisi (aawa ngu ona makhato a txionho txa mwanana wa dihorana wa Siyoni), nguko kuta ngu kwako, kuhambunyeta ka Israyeli.

Mika 1:13 Referans Kwoze

2 Vafumeli 18:17

Hambi keto, mfumeli wa Asiriya a to rumela Tartani, Rabhi-Sarisi, ni Rabhisake, ve khukha ngu Lakisi, ni dibutho da hombe da yimbi, kuya ka mfumeli Ezekhiya kona Jerusalema; va to kwelela veta Jerusalema, se mbimo yile va nga txi kwelela va txita, va to ema ngu ka nzila ya mati a diguwula da hombe, di ku hafuhi ni nzila ya thembwe ya mkuwuli.

2 Makronika 32:9

Msana keto, Senakeribhe, mfumeli wa Asiriya a to rumela sithumi sakwe si tsula Jerusalema ka Ezekhiya mfumeli wa va ka Judha ni ka votshe va ka Judha ava va nga ti ti ni Jerusalema, a txi khene:

Joxuwa 10:3

Konako, Adhonizedheki, mfumeli wa Jerusalema, a to rumela m'biko ka Hohamu mfumeli wa Hebroni, ni ka Piramu, mfumeli wa Jarmuti, ni ka Jafiya mfumeli wa Lakisi, ni ka Dhebhiri mfumeli wa Egloni, a txi khene:

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?

Ezekhiyele 23:11

Mnanda wa kona Oholibha mbimo yile a nga ti wona, a to kulisa wugelegele wakwe kupinda wa mkomwakwe, wugelegele wakwe wu to maha wa hombe kupinda wa mwanawe.

Jeremiya 4:29

Votshe va madhoropa va na tutuma ve thava ngu mhaka ya va vo gadha mahantxhi ni va malaho; va sisala mu ka tikwakwati, na va txi kwela txitimwi ka marigwi. Otshe madhoropa ma sala i di siwula, kha ku zumbi m'thu ka ona.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Isaya 37:8

Rabhisake a to tshumela koko, eya mana mfumeli wa Asiriya, a txi lwisa didhoropa da Libhina; nguko a di ti pfite taku, mfumeli wa Asiriya, a khukhile ngu Lakisi.

Isaya 10:31

Se Madhimena a hangalakile, ni vahanyi va Gebhini va tutuma ngu mitxawa.

2 Makronika 11:9

ni Adhorayimi, ni Lakisi, ni Azeka,

2 Vafumeli 8:18

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe, nguko msikati wakwe i ti ti mwanana wa Akabe wa dihorana, a to maha wubihi masoni ka Mkoma.

1 Vafumeli 16:31

Se ku to mahisa, (ku nga mhaka yo hehuka kutsimbila sionhoni ka Jerobhowamu, mwana Nebhate), kambe a to teka Jezabheli, mwana Etibhahali, mfumeli wa Vasidhoni, kuva msikati wakwe; se a to tsula eya thumela Bhahali, ni ku mkhozela.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

Joxuwa 15:39

Lakisi, Bhozikali ni Egloni,

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Genesisi 19:17

Ngako va di va humisile hahanze ka didhoropa, mmweyo wa vavamna vale, a to khene ka Loti: “Hulukisa wutomi wako! U nga wone msana, kambe u nga eme ni ka wuhi wukhalo wa mu libalani, thavela mmangoni, kasi u si lovi.”

1 Vafumeli 4:28

Va ti heleketa kumweko ni sevhadha, ni mwasi wa kudyisa mahantxhi o ndinda sikotxikani sa yimbi, ni hani ha a nga ti maneka kona mfumeli, madingano ni sileleto sa kona.

2 Vafumeli 14:19

Se va to maha txikungo txo mu wukela Jerusalema, se e tutuma e tsula Lakisi; se ku to rumelwa vavamna vo mlondisa kona Lakisi; se va m'dayete kona.

Isaya 36:2

Sekoko mfumeli wa Asiriya a to rumela Rabhisake, ni dibutho da hombe da yimbi, ka mfumeli Ezekhiya, kukhukhela Lakisi kala Jerusalema; se a to ema hafuhi ni likasa la txisima txa txitimwi ngutu, hafuhi ni nzila ya thembwe ya wukuwuleloni.

Jobe 39:10

Mwendo u nga jokela nyari ka digejo ngu ngoti, mwendo yi nga kubhandela misele kani?

Jeremiya 34:7

mbimo yile yimbi ya mfumeli wa Bhabhilona yi nga lwa ni Jerusalema, ni madhoropa otshe a ka Judha, ale ma nga ti sate, yi wukela Lakixe ni Azeka; nguko madhoropa awa o tsana, ngu awa ma nga sala, hagari ka madhoropa a ka Judha.