Mika 1:1 - Bhiblia Yo Sawuleka

¹ Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.

Mika 1:1 Referans Kwoze

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

Hoseya 1:1

Dipswi da Mkoma di nga wombwa ka Hoseya, mwana Bheyeri, ka masiku a Uziya, Jothamu, Akazi, ni Ezekhiya, vafumeli va ka Judha, ni ka masiku a Jerobhowamu, mwana Jowasi, mfumeli wa ka Israyeli.

Amosi 1:1

Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Habhakuki 1:1

Kulamulwa ku nga wombwa ka mprofeti Habhakuki ngu txiwoniso.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

2 Vafumeli 15:5

Se Mkoma a to peka mfumeli, eva ni tshekela kala ka ditshiku da kufa kwakwe, na a txi zumba ka nyumba ya didhawa; ngu kumaha keto, Jothamu mwanana wa mfumeli, ngene a nga ti nyumbani ka wukoma, a txi lamula vathu va ditiko.

2 Vafumeli 15:32

Ka dilembe da wumbidi da kufuma ka Peka mwana Remaliya, mfumeli wa ka Israyeli, a to khata kufuma Jothamu, mwana Uziya, mfumeli wa ka Judha.

2 Vafumeli 16:1

Ka dilembe da digumi ni mtxhanu ni mambidi, da kufuma ka Peka, mwana Remaliya, Akazi mwana Jothamu, a to khata kufumela ditiko da ka Judha.

2 Vafumeli 18:1

Ku to maheka to ngu dilembe da wuraru da kufuma ka Hoseya, mwana Ela, mfumeli wa ka Israyeli, a to khata kufuma Ezekhiya mwana Akazi, mfumeli wa ka Judha.

2 Makronika 28:1

Akazi a to khata kufuma a di ni tanga ya magumi mambidi a malembe, se a to fuma digumi da malembe ni mtxhanu ni dimwendo kona Jerusalema; aniko kha maha to lulama masoni ka Mkoma, ku nga tate wakwe Dhavhidha.

2 Makronika 29:1

Ezekhiya a to khata kufuma a di ni tanga ya magumi mambidi ni mtxhanu wa malembe, se a to fumela Jerusalema magumi mambidi a malembe ni mtxhanu ni mune; se ditina na mwamwakwe i ti ti Abhiya, mwana Zakariya.

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.