Mavingu 9:4 - Bhiblia Yo Sawuleka

⁴ Awule i ku txiphukuphuku a na rendekele kheno. Ka vale vo kelelelwa ngu mapimo wu kha wona:

Mavingu 9:4 Referans Kwoze

Mavingu 6:32

Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe.

Mavingu 9:16

Awule i ku txiphukuphuku a na rendekele kheno. Se ka vale vo pwata mapimo wu kha wona:

Mavingu 8:5

Pfisisani anu vo mbi na wutxhari, ni wuzivi; ni nanu siphukuphuku pfisisani ngu mbiluni.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

Mavingu 7:7

ni rumarumete hagari ka siphukuphuku, ni tumbute hagari ka vavaphya, dijaha dimwedo do kelelelwa ngu mapimo,

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.