Mavingu 9:12 - Bhiblia Yo Sawuleka

¹² Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.

Mavingu 9:12 Referans Kwoze

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

Jobe 22:21

Awe Jobe, ti pate koko ni Txizimu, u na mana kuthutha, ngu kumaha keto, wu nata kwako wunene.

Mavingu 16:26

Awule a thumako o ti thumela ene apune, nguko txisofu txakwe txa mkurumeta.

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.

2 Pedro 3:16

Ngu toneto, nene a wombisako tona ka otshe mapapilo akwe ngako a txi gwesa mhaka yiya ka ona mapapilo awa. Ti ho timhaka to kari ti ti karatako ku ti engisisa, atiya vathu vo mbi ziva ni vo mbi tsana va ti soholotako, madingano ni ti va ti mahako ka yimwani Mibhalo, va txi ti lovisa vapune.

Vagalatiya 6:5

nguko m'thu ni m'thu a na rwala thundu yakwe.

Mavingu 14:14

M'thu wa mbilu yo mbi thembeka a na kolwa ngu tinzila takwe, aniko m'thu wamnene, a na ti khurisa apune.

Mavingu 19:29

Wulamuli wu emisetwe vatseketseli, ni sisephu ka makata a siphukuphuku.

Jobe 19:4

Hambi kuva ngu ditshuri ni ti onhile, mnandu wangu wu na zumba ni nani.

Zakariya 12:14

Totshe timwani tihunzu, lihunzu ni lihunzu ka wukhalo wa lona, ni vasikati vawe ka wukhalo wawe.