Mavingu 9:11 - Bhiblia Yo Sawuleka

¹¹ Nguko masiku a kuhanya kwako ma engetelwa ngu ngani, ni malembe a kuhanya ma na engetelwa.

Mavingu 9:11 Referans Kwoze

Mavingu 10:27

Kuthava Mkoma ka engetela masiku, aniko malembe a vo biha ma na komiswa.

Mavingu 3:16

Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka.

Mavingu 3:2

Nguko milayo yi na engetela masiku ako, kambe yi na kuengetela malembe a kuhanya ni kuthutha.

Dhewuteronome 6:2

Ngu toneto, thava Mkoma, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

Dhewuteronome 11:21

kasi ku masiku anu ni masiku a vanana vanu ma txi anda, ka ditiko diya Mkoma a nga xambanya ku di ningela ka vatate vanu, di txi anda kufana ni kuanda ka nzuma yi yi ku txitimwi ka mafu.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Dhewuteronome 30:19

Nyamsi ni kombela nzuma ni mafu si txi maha tifakazi to ni emela kwanu, ti to ni vekile masoni kwako wutomi ni lifo, sikatekiso ni makhombo. Sawula wutomi, kasi ku u na hanya awe ni liveleko lako,