Mavingu 9:1 - Bhiblia Yo Sawuleka

¹ Wutxhari se wu akile nyumba ya wona, se wu vatile mtxhanu wa tisika ni timbidi ta wona.

Mavingu 9:1 Referans Kwoze

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

1 Vafumeli 7:21

Se a to emisa tisika ha txikeni ka dithepele; a to emisa sika didhawa da txinene, ditina da yona i ti ti Jakimu; mbimo yi a nga emisa sika ya txibhabha, a to yi raya ku i Bhowazi.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

1 Vafumeli 7:6

Msana keto, a to aka m'hubhe ngu tisika wa mtxhanu wa magumi a mikono kulapha ni magumi mararu a mikono kuanama; se m'hubhe wu ti masoni ka tona, tisika ni mirwalo yo dhimba masoni ka tona.

Mavingu 24:3

Nyumba yi akwa ngu wutxhari, kambe yi tsaniswa ngu mapimo amanene;

Mavingu 1:20

Wutxhari wa hombe wa kwangula hahanze; wa guleta dipswi da wona tinzilani.

Mavingu 2:1

Mwanangu, ngako u txi tumela mapswi angu, ni kuveketa milayo yangu,

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

Mavingu 8:1

Ina Wutxhari kha wu dhuki wu kwangula kani? Ni kupfisisa kha kuhumisi dipswi da kona kani?

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.