Mavingu 8:17 - Bhiblia Yo Sawuleka

¹⁷ Ani ni randa vale va ni randako, ni vale va ni lavako ni mabimbi-kutxa, va ni mana.

Mavingu 8:17 Referans Kwoze

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Johani 14:21

Awule a nga amukela milayo yangu a txi yi veketa, eyo ngene a ni randako; se awule a ni randako, a na randwa ngu Tate wangu. Se nani ni na mu randa, kambe ni na ti wonekisa kwakwe.”

Masalmo 91:14

Nguko Txizimu txi kha txona: “Ni na hulukisa vale va ni randako, ni na va vhikela, nguko va ni ziva ti to ni Mkoma.

Isaya 55:6

Lavani Mkoma a txi ngadi e maneka, m'dhaneni a di ngadi hafuhi.

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

1 Johani 4:19

Athu hi na ni lirando, nguko txi khatile Txizimu txi hi randa.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Johani 16:27

Nguko ene Tate apune wa mi randa, nguko nanu mi ni randile ni kukholwa ti to ni tile ngu ka Txizimu.

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.

Mavingu 2:4

u txi si xotisa kufana ni silivhela, u si lava kufana ni nzalama yo siswa,

Mavingu 2:5

ngu kona u no pfisisa mhaka ya kuthava Mkoma, kambe u na mana kuziva Txizimu.

Mavingu 4:6

U nga hambane ni wutxhari, nguko wona wu na kuxayisa; wu dhunde, wona wu na kuxayisa.

Mavingu 8:16

Vathangeli ni va nduma va fumiswa ngu ngani, ina, ni votshe valamuli va ha mafuni.

Ndando ya Tindando 3:4

Ni di hambunyetani navo, koneko ni to mana wule muhefemulo wangu wu mtsakelako; Ni to mñola, kala kuza ni mwuleta nyumbani ka mame, txibhiyani ka wule a nga ni veleka.

Johani 5:4

Nguko, ngelozi yi ti txhikela dizivani ngu mbimo yokari, yi ta vhilusa mati; se awu a nga txi thanga ene e wulela, na mati ma di ngadi kuvhiluswa, a ti ti hanyiswa ka wulwati wakwe, hambi wuhi ni wuhi.