Mavingu 8:15 - Bhiblia Yo Sawuleka

¹⁵ Vafumeli va fumiswa ngu ngani, ni vathangeli va ruma wululamo.

Mavingu 8:15 Referans Kwoze

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Isaya 1:26

Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Vafumeli 10:9

A na Bongwe Mkoma Txizimu txako, a nga mana kutsakiswa ngu ngawe, kasi e kuveka ha txituluni ka wukoma ka Israyeli; nguko Mkoma wa randa Israyeli yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

1 Vafumeli 5:7

Ngako Hiramu a di pfite mapswi a Solomoni, a to tsaka ngutu, a txi khene: A na dhumiswe nyamsi Mkoma, a nga ninga ka Dhavhidha mwanana wo ziva txitimwi ka vathu vava vo talisa tiya.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Samuwele 9:17

Se mbimo yile Samuwele a nga wona Sawule, Mkoma a to m'gela ku khene: Wona taku, diyo wamwamna wule ni khalako ku kugela ngu ngene. Awuwa a na fumela txitimwi ka vathu vangu.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

Masalmo 2:10

Konkuwa koko anu vafumeli, txharihani; gondani, anu valamuli va vathu.

Mavingu 8:16

Vathangeli ni va nduma va fumiswa ngu ngani, ina, ni votshe valamuli va ha mafuni.

Mavingu 29:4

Mfumeli wo lulama wa tsanisa ditiko dakwe, aniko awule i ku mngana wo xavwa, wa di hoxota.

2 Makronika 1:11

Sekoko Txizimu txi to kha txona ka Solomoni: A ku mbilu yako yi nga kombela tiya, u nga mbi ti kombelela tithomba, mikhokhola ni nduma, hambi kufa ka vale va ku karatako, mwendo kukombela kuhanya masiku o tala, aniko u ti kombelete wuzivi ni wutxhari, kasiku u na ziva kulamula timhaka ta vathu vangu, ava ni nga kuveka kuva mfumeli txitimwi kwawe,