Mavingu 8:14 - Bhiblia Yo Sawuleka

¹⁴ Sileleto ni wutxhari wa ditshuri si huma kwangu; ani ngani mapimo, mtamo wu huma kwangu.

Mavingu 8:14 Referans Kwoze

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

Isaya 40:14

A mahile ni mani txikungo, kasi ku e mninga mapimo, ni ku mkomba tinzila to lulama, kambe e m'gondisa wutxhari, ni ku mmaha e wona nzila ya wutxhari kani?

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Vakolosa 2:3

awu i ku kwakwe txi nga siswa txotshe txuma txa wutxhari ni wuzivi.

Varoma 1:22

Va kha vona va ziva, kuve nzipumbu.

Mavingu 24:5

Wamwamna wo txhariha a tsani ngutu, kambe wamwamna wo ziva a ni mtamo ngutu.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

1 Vakorinto 1:24

aniko ka vale va nga sawulwa, mwendo Vajudha mwendo Vagriki, Kristu i mtamo ni wuzivi wa Txizimu.

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Mavingu 1:25

anu mi to khata kulamba sileleto sangu, kambe kha ma tumela kukawuka kwangu;

Mavingu 3:21

Mwanangu, atiya ti ngave kule ni maso ako; veketa wutxhari wa wunene, ni kupfisisa;

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

Mavingu 19:20

Engisa sileleto, u amukela kukawukwa, u na va txhari ka masiku ako o gwitisa.

Isaya 28:29

Hambi tiya, tita ngu ka Mkoma wa Mabutho a Tiyimbi, nguko wa xamalisa ngu silayelo, kambe mbwa hombe ngu mithumo.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Jobe 12:13

Txizimu txi ni wutxhari ni mtamo; txi ni wudhota ni mapimo.