Mavingu 8:13 - Bhiblia Yo Sawuleka

¹³ Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Mavingu 8:13 Referans Kwoze

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Masalmo 97:10

Mkoma wa randa avale va nyenyako kubiha wa vhikela wutomi wa vale va mthembako, wa va hulukisa manzani ka vabihi.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Mavingu 4:24

Vayilelisa txisofu txako ka mapswi o xanisa, u tsulisa kule ni nawe wubihi wa txisofuni.

1 Vatesalonika 5:22

Vayilelani sotshe so biha.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Masalmo 119:128

Ngu toneto, na dhunda sileleto sako na nyenya totshe tinzila ta makuhu.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Mavingu 6:12

M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Zakariya 8:17

Kambe ni wammweyo kwanu, a nga pimisele wubihi mbiluni kwakwe, wo wukela mkwawe, hambi kudhunda kuxambanya makuhu, nguko totshe tiya ani na ti nyenya, kuwomba Mkoma.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Masalmo 101:3

ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

Mavingu 10:31

Txisofu txa m'thu wo lulama txi humisa wutxhari wo tala ngutu, aniko lidimi lo hambanisela li na wilwa.

Masalmo 119:104

Ngu sileleto sako ni gondile kupima; ngu kota yeto, na nyenya totshe tinzila ta makuhu.

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Mavingu 15:9

Nzila ya muonhi njinyenyeko ka Mkoma, aniko ene a randa wule a tsimbilako ngu kululama.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Eksodha 1:17

Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Mavingu 16:5

Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.